那年在台北的無法無天

記得有年我地聖誕假跟老豆去咗阿姨台灣屋企玩!
大弟仲特登請咗日假,開車載我地去玩!
我地果陣時唔識禮貌, 當大弟係司機咁,
佢坐喺前面開車, 我地就坐喺後面做乘客!
因為我唔捨得留低你一個人坐後面!
於是後來就俾老豆同阿姨鬧,話我地冇禮貌,
攪到大弟好唔開心,冇情情做咗一日司機!!!

後來自己揸車, 都試過有人好似我地咁唔識禮貌,
果然,自己都會覺得唔開心!!
當日大弟嘅心情完完全全體會到!

好懷念果一次台灣之行,我地就好似一對"目中無人"嘅男女!
喺台灣做咗好多喺香港未做過嘅事,我會永遠都記得!

你呢......?

我仲記得我地一落機到咗台北仲即刻去睇呢套"真實謊言"! (台灣叫"魔鬼大帝")
果時香港都未上!
都未過睇戲之前要全院起立, 唱台灣嘅"三民主義"! 真過癮!